जहियो नै हमरा सॆं दूर (Jaihio Nai Hamra Se Door) – Angika Movie

Click to rate this post!
[Total: 0 Average: 0]

जहियो नै हमरा सॆं दूर फिल्म केरॊ निर्माता-निदेशक राजीव रंजन दास छै.

श्री प्रकाश झा के साथ मुख्य सहायक निर्देशक केरॊ रूप मॆं काम करी चुकलॊ  श्री राजीव रंजन दास केरॊ सहनिर्देशित हिन्दी फिल्म मॆं प्रकाश झा केरॊ फिल्म- दीदी, बंदिश, मृत्युदंड,गंगाजल शामिल छै. जबकि एगॊ आरू फिल्म, ‘ मुंभाई द गैंगस्टर ‘ मॆं भी सहायक निर्देशक केरॊ रूप मॆं काम करी चुकलॊ छथिन.

ऐकरा सॆं पहिलॆ ‘अंग विश्व सांई छाया’ अन्तर्गत निर्मित  अंगिका फिल्म , ‘अंग-पुत्र’ पहलॆ ही सिनेमा घरॊ मॆं प्रदर्शित होय चुकलॊ छै.

अंग विश्व सांई छाया बैनर तलॆ नवनिर्माणाधीन अंगिका फिल्म,’ जहियो नै हमरा सॆं दूर‘ केरॊ निर्माण मॆं अंग देश केरॊ स्थानीय कलाकारॊ सीनी कॆ प्राथमिकता देलॊ जैतै.  इ कहना छै फिल्म केरॊ निर्माता-निदेशक राजीव रंजन दास के.

श्री राजीव रंजन दास नॆ कहलकै कि अंग देश क्षेत्र मॆं काफी प्रतिभावान कलाकार सीनी  छै, जेकरॊ प्रतिभा के सही उपयाग नै होय रहलॊ छै. ऐन्हॆ प्रतिभा सभ कॆ पहचान करी कॆ ओकरा अंगिका फिल्म उद्योग सॆं जोड़ै के जरूरत छै. सही प्रतिभा के खोज लेली हुनी अंग क्षेत्र के विभ्न्न भागॊ के व्यापक दौरा भी करलकै.

‘अंग विश्व सांई छाया’ द्वारा ही चार-चार अंगिका फिल्म निर्माण के योजना छै. ‘ऐलै हो मिलन के बेला’ के अलावा एकरा मॆं प्रमुख छै –  ’जहियो नै हमरा सॆं दूर’, ‘रंगॊ मॆं तोरे रंगी गेलॊं हो’आरू एगॊ अन्य फिल्म जेकरॊ नाम अभी तय होना शेष छै.

Article References:
1.Angika.com